مرض"الميزوفونيا"

 مرض"الميزوفونيا" هو مرض تيقضر يصيب أي شخص تجاه غيرو وصعيب يكتاشفو فراسو، بحال الحساسية المفرطة فسماع شي أصوات خافتة ولا هامسة، بحال المضغ ولا الكحبة ولا التنفس بالأخص الشخير ههه وغيرهم من بزاف دالأصوات منها صوت بعض الإحتكاكات بحال فاش تتبقى تجرح شي حاجة و واحد آخر تيتلوى ونتا عادي، وكاين نوع آخر لي غير تدير بحال لا غادي تهرو تيريب وكاين لي تتدكرلو بعض الأسماء بحال فليو ولا السمن ولا لعسل ولا بزاف دالأسماء وكل حسب شنو تيستفزو، تيبداو هاد الأنواع من الإضطربات فمرحلة الطفولة لكن تتبقى قليلة نسبة للناس لي بالغين، وبالأخص فاش تتحس بالجهد والجوع ولا التعب ولا غيرهم من مثيلاتهم تتزاد الأعراض ديال هاد المرض وتتفاقم بحال فاش باك تينزل عليك بشي دقة على قبل شربة لماء لأنه مبقاش تيستحمل داكشي تيفاقم، شخصيا سمعت قايد كلا تسرفيقة حيت قال شي كلمة لمواطن مستحملهاش هه بحال هادشي،... الأطباء ودوك السبيدات تيقولو أن الأسباب (المحتملة) لهاد المرض هو وجود خلل فالنظام السمعي للدماغ ولا النظريات الأخرى تترجح كفة وجود عامل وراثي، أما أنا بعد ما درست هادشي عاد كتبت ليكم لقيتو مسألة نفسية مبنية على النشأة تقضر تربى فيك قاعدة ولا كره لشيئ ما وخا معمرك تآديتي منو غير هي الله يجيب الشفاء حيت راه تيوقعو فبعض لمرات كوارت، بالنسبة للعلاج مكاينش من اللخر ولكن ممكن تستعمل صمامات حجب الأصوات للأذنين باش على الأقل تنعس في راحة لربما تلقا صراع داخلي تولي تسمع مصارنك تيطايفو مع المعدة ودقات لقلب تيزدحو والدم تيجري وتزيد تأزم كثر من لول... غا ضاحك الناس لي عندها هاد تبرزيطات ديرو صمامات الأذن دوزو بخير .