مادة القطران .. حذاري!
الأغلبية فينا كيبغي يشرب الماء فالأواني الطينية ، وخصوصا الى كان الماء منسم بنكهة القطران ، وفالغالب حنا كنطلبو من البائع يضيفلينا منو وسط الكاس او "الكربة" باش ديما تبقا النسمة فالماء ، لكن واش عمرنا تسائلنا شنو هي هاديك المادة وماهو المصدر ديالها ؟
الجواب صادم ومخيف القطران هو مادة سامة مستخرجة من البترول و مشبعة بالمعادن الثقيلة لي الجسم مكيقدرش يتخلص منها وكيسبب مرض خطير سميتو"التسمم بالمعادن الثقيلة ، وهو كيصلاح للحماية من الحشرات والزواحف ، وكيدار فجنبات المنازل وكذلك في الغابات و في محيط المخيمات . أكيد كتسائلو آش جابو للأواني الطينية؟؟
الجواب هو أنه كان كيتستعمل فقط فالفم ديال غطاء الأواني لي راسهم ضيق ، باش كيمنع دخول الحشرات الى الداخل ولي مغنقدروش نشوفوهم بالعين أما الأواني الكبيرة فمكنحتاجوهش نهائيا حيت كيبالينا سطح الماء شنو فيه وكنقدرو نغسلوهم بكل سهولة حيت الفتحة ديال الفم كبيرة .
للأسف الناس والبائعين مافاهمينش الموضوع و كيضيفوه لداخل الأواني وخصوصا الكيسان😟، وكيحسابليهم بهاذ الطريقة را كيشربو ماء صحي وهما كيشربو قنبلة كيماوية مشبعة بالمعادن الثقيلة
No comments:
Post a Comment
اكتب تعليق حول الموضوع