مرأة  دارت تاست تاع الحمل و لڨاتو موجب يعني راها حامل ،مرحبا بكتكوت جميل جديد فالعائلة 

لكن واش هو هذا التاست وواش معناها أنو إيجابي ؟!

يعتمد اختبار الحمل على مبدأ إفراز هرمون الـحمل (hCG) من طرف المشيمة في الدم عند المرأة مع بداية الحمل، يخرج هذا الهرمون من الدورة الدموية إلى البول، الأمر لي يتيح الكشف عن وجودو من خلال إجراء فحص للدم أو للبول،وهنا نڨولو بلي التاست راه موجب ..

الحد الان الحالة راهي هانية والعصافير تزقزق 

أيا فجأة و بمحض الصدفة هز زَوج هذيك المرأة تاست تاع الحمل وڨال اصبر حتى نا نسييه، من باب المزاح طبعا ،والمفاجعة أنو خرجلو التاست موجب 

!! أيا تخلع عاود جرب تاست وحدوخر نفس الشيء !!OMG!!.what's going on  ! حماضت الدعوة  ..

حتى نتوما اندهشتو وبالاك حتى جاكم الأمر مضحك ،لكن للأسف الأمر ليس مضحك بتاتا ،لأنو كي راح دار فحوصات لڨى أنوو يعاني من سرطان في الخِصية في مراحله مبكرة  ..

والسبب هو أنو بعض الأورام تسبب في إفراز هرمون  HCG ،وهو نفسو لي يزيد إفرازو عند المرأة الحامل ،لهذا خرجتلو نتيجة التاست موجبة،والأمر لا يتعلق بالرجال فقط ،بل حتى سرطان المبيض عند النساء ،وأورام عديدة أخرى ..