رح نحكي شوي عن أسبابه:
التهاب البلعوم ممكن يكون:
فيروسي و المسببات متنوعة ممكن الانفلونزا و الفيروس الغدي و البارانفلونزا و اشتهرت حديثا" عائلة الكورونا فيروس مع أنها قديمة .
جرثومي و هون اهم جرثومة هي العقديات (منحكي عنها ببوست منفصل )
في أسباب تانية ما رح ندخل هلق بتفاصيلا
طيب في رابط خلا الناس تربط بين التهاب البلعوم و الهوا البارد؟؟
نعم في
الرابط انه الفيروسات بتنشط بالطقس البارد و خصوصا" بفصل الشتاء لهيك انربط البرد بالمرض.
بسسسس نحط بالبال أنه التعرض لهواء بارد دون ملامسة مفرزات مريض ما رح ينقلنا الفيروس لأنه الفيروس ما بيعيش محمول بالهوا
يعني عزيزي/تي المريض/ة قبل ما تقولوا أنه سفقكم الهوا احموا حالكم من مفرزات المرضى بالتهاب بلعوم و خصوصا" نحنا مقبلين ع فصل الشتاء و بهالوقت في نشاط كبير لكل الفيروسات و لفيروس كورونا المستجد خصوصا
التزموا بالكمامات بالأماكن العامة و بوسائل النقل و المدارس لتحموا حالكم و تحموا أهاليكم.
No comments:
Post a Comment
اكتب تعليق حول الموضوع