تطور المخدرات وأشكالها الكتير بتخلينا دايما مش فاهمين تأثيرها السلبي ومدى خطورتها بخلاف اننا بنسمع أسماء كتير و أنواع أكتر كلهم طريقهم واحد وهو الموت و إنتهاء حياة ناس كتير مش عارفة ايه بيحصل لها ولا شايفة إيه الأعراض اللى ممكن تحصله نتيجة استخدام المخدر دا.
"الاستروكس ، الفودو، الاسبايسي، الفلاكا، القطرة ، الكريستال"
كل دى انواع مخدرات اسمائها ممكن تكون قابلتك او اول مره تسمعها لكن ليها أعراض و تأثير ممكن يوصَل للموت.
منهم اللى في أصله كان مهدئ أو مخدر للحيوانات و ده تأثيره على جسم الانسان بيكون صعب جدا لدرجة انك هتلاحظ الضعف الشديد على جسم متعاطيه .. ومنهم ده لو مش كلهم بيؤدى لضمور في خلايا المخ و اعراض هلوسة سمعيه وبصرية .. وأكثرهم خطورة اللى بيعمل فرط زائد في الحركه لدرجة إنهيار العضلات بالكامل او زيادة العنف بشكل كبير بيتحول فيها المتعاطي لكائن وحشي بالفعل .. و منهم اللى بيساعد متعاطيه الى الوصول حد الجنون و الإنتحار نتيجة للى بيعمله المخدر في المخ.
تخيل كل ده هيحصلك و اكتر فخليك دايما واعي و عارف الأنواع و تأثيرها ممكن يوصل انك بتنهي حياتك بإيدك أو هتدمر اللى حواليك مقابل دقايق بسيطه من النشوة متستهلش تضحى بحياتك
No comments:
Post a Comment
اكتب تعليق حول الموضوع