ايه اسباب نزيف الانف ؟
أسبابه كتير في أسباب موضعيه(يعني في الانف نفسها ) و في أسباب عامه (يعني في الجسم كله ) طب الأسباب الموضعيه دي زي ايه زي بعض الأمراض الوراثيه زي خبطه في الانف او حادثه او دخول جسم غريب في الاطفال او وجود ورم او التهابات في الانف .
طيب الأسباب العامه دي زي ايه زي الضغط ده أكبر و اشهر سبب علشان كدا لازم نطمن علي الضغط بصفه مستمره طيب ايه كمان مشاكل القلب و الرئتين و طبعا نقص فيتامين k و اضطرابات الهرمونات .
طيب اعمل ايه في حالات نزيف الانف ؟
الضغط علي الجزء الأمامي الغضروفي من الانف لمده عشر دقايق مع اماله الرأس للأمام(لمنع بلع الدم ) و هنا يفضل المريض يكون قاعد و ليس نايم( برضو علشان منع بلع الدم ) و وضع كيس تلج علي الانف بيساعد كتير في وقف النزيف .
طيب عملت كدا و مرت العشر دقايق ربع ساعه و النزيف موقفش اعمل ايه ؟
هنا لازم اراجع الطبيب او اروح أقرب مستشفي .
طب ليه ؟
لان في فحوصات دم و قياس ضغط و فحص للانف و منظار كمان بيتعملوا و في حالات نزيف انف بيحتاج كي بنترات الفضه او كي كهربائي بعد وضع مخدر و استخدام حشوات للانف لوقف النزيف .
No comments:
Post a Comment
اكتب تعليق حول الموضوع