لي عندهم حموضة المعدة و يشربو omeprazole ، (كيما Antag, Proton, Zimor, Lomac...)

  أولا هدا دواء يحمي بطانة المعدة من الحمض الزايد لي تفرزو

  ثانيا نشربوه صباحا نصف ساعة قبل الأكل، علاه ؟

كي ناكلو يبدا الهضم و يزيد إفراز الأحماض، و باش يتزامن تأثير الدواء مع الذروة تاع الحموضة لازم يتشرب نصف ساعة قبل الأكل قيسما يتهضم و يلحق لاسطوما  

  ثالثا متشربوهش من راسكم لازم تشخيص، كاين حالات تحتاج مضادات حيوية و أدوية أخرى ، تسما تهلكو روحكم غير بالآثار الجانبية  

أشربو الدوا كيما لازم ماشي كيما تحبو