الامساك عند الأطفال

الامساك عند الأطفال...

-مشكله العديد من الأطفال ومصدر قلق للاهل وبصراحه حقهم لان يشوفون الطفل يتألم هوايه...

- نوعا ما اني اطمنكم لان أغلب اسباب الامساك هيه مشاكل وظيفيه وليست عضويه( مرضيه)

- يعني اذا كانت صحة الطفل جيدة فماكو داعي للقلق ..

-  طبعا اهم شي بعلاج الامساك عند الأطفال هو نوع الغذاء والإكثار من السوائل وهذا اهم بهوايه من الادويه لي تراجعون  العيادات بحثا عنها ..

- واني بهذا المنشور اريد تعرفون أصناف الطعام لي تكون جدا مفيدة للإمساك (غنيه بالالياف)طبعا عد الأطفال والكبار .. وهي:

1.البروكلي والقرنابيط. 

2. الجزر سواء اخذه بشكل مباشر أو  على شكل عصير.

3. الإجاص والالو طبعا حتى المجفف منه ممكن نضيفله ماء راح يكون كلش مفيد.

3. المشمش اذا كان فرش أو مجفف.

5.البقوليات غنيه بالألياف.

6. التوت البري والتوت الأسود.

7 المكسرات بأنواعها. ممكن طبعا تطحن وتعطى للطفل .

8.العرموط والتفاح .. خاصه قشورها.

9.بذور الكتان ..

10. الشوفان .

11.الأناناس.

12. الافكادو.

13.الذرى ( الشاميه)

14. الفجل..

15. وما ننسى نخالة الطحين لي هيه علاج قديم وفعال للإمساك.  طبعا ممكن تضاف الحليب وتقدم للطفل.

- يبقى شي مهم لازم تعرفوا انه الحليب ومشتقاته من أهم أسباب الامساك الغذائي..

-  كل الاصناف لي ذكرناها ممكن تاخذ بشكل مباشر أو تسلق وتكون جزء من شوربه الطفل .

-إعطاء الماء للاطفال بشكل منظم مهم جدا لتقليل حالات الامساك .