صادات البيتالاكتام بنسلينات، سيفالوسبورينات، كاربابينيمات، مونوباكتام

 صادات البيتالاكتام   بنسلينات، سيفالوسبورينات، كاربابينيمات، مونوباكتام  

حكينا بالبوست الماضي عن البنسلينات و رح نكمل مع بعض..

  السيفالوسبورينات من صادات البيتالاكتام.. أشهر صاد من أفراد هي الزمرة هو السفترياكسون  .. أكيد كلكن هلأ عم تقولوا شو هالتعويذات هي ..

رح قلكن أنو هاد أشهر من نار على علم  و هاد هو الاسم العلمي لابر روس .. عم ياخدوها بشكل كتير واسع و طبعاً هاد الشي كتير خاطئ   متل ما نوهنا بالبوست الماضي أنو الصادات لا تصرف إلا بموجب وصفة طبية  

 الشي الإيجابي بهي الابر أنها ممكن تنعطى لمرضى القصور الكلوي لأنو إطراح السفترياكسون صفراوي. 

  السيفالوسبورينات مقسمة إلى أجيال و كل جيل عم يختلف عن اللي قبلو بطيف الفعالية ( يعني بنوع الجراثيم اللي ممكن يقضي عليها)

  السيفازولين :صاد وقائي قبل العمليات الجراحية و فعال بالانتانات العظمية ..

  الأثر الجانبي الأهم للسيفالوسبورينات هو التحسس 

  البنسلينات و السيفالوسبورينات رغم أنها بتعبر المشيمة لكنها آمنة .. ما بتسبب ضرر للجنين .. لهيك هي خط العلاج الأول لالتهابات المجاري البولية عند المرأة الحامل 

  الكاربابينيمات ( إيمي بينيم، ميرو بينيم، ارتا بينيم )

صادات واسعة الطيف.. فعالة ضد الجراثيم إيجابية و سلبية الغرام.. 

  آثارها الجانبية :غثيان، إقياء، إسهال.  

  المونوباكتام : منها الازتريونام.. يعطى حقناً  

  هو الصاد المناسب للأشخاص اللي بيعانوا من حساسية تجاه البنسلينات و السيفالوسبورينات 

  تأثيراتها الجانبية : طفح جلدي، التهاب وريدي، اضطرابات بوظيفة الكبد.

  لا للاستخدام العشوائي للصادات