واضح جدا إن ياسمين بتعانى من مرض نفسى يا bipolar يا PTSD لانها بتشوف اوهام و ظلالات من بعد الحادثة بتاعة انتحار سارة و لظروف سارة المشابهة لحد كبير لظروها و نوعية الحياة اللى بتعيشها . و ممكن احساسها بالذنب انها ماقبلتش ال Add اللى بعتته سارة
سارة المنتحرة جوزها متحكم و متسلط و ده كان باين لما الظابط كان بيحقق معاها لما فاقت من الغيبوبة ايه الاسباب اللى دفعتك للانتحار كانت بتبص بخوف ناحية جوزها و تفكر و بعدين ترد انه ماحدش و كل ما الظابط يسأاها سؤال تتوتر و تبص بخوف ناحية جوزها حسن و بعدين تجاوب . فى الغالب سارة اتعرضت للتحرش من الدكتور ادهم نور الدين و عملت آد لمراتة ياسمين عشان تقولها جوزك متحرش . بس للاسف سارة انتحرت و خافت بعد كده تتكلم لان نظرات جوزها ليها اللى هو (لمى الدور مش عايزين فضايح كفايه كده)
و لما طلبت من جوزها حسن تشوف ابنها فارس سابها و مشى بكل قسوة
ده غير انه عامل ياسمين بطريقة حدية و aggressive لما راحت تزور سارة ف المستشفى .
نرجع تانى لياسمين ...
أول سؤال سألته لجوزها د.أدهم على انتحار سارة..... تفتكر جوزها السبب
بعدها شافت ف أحلامها انها بتنتحر مع سارة و بترمى نفسها من فوق سطح البيت و هى مشبكة ايديها ف ايد سارة
صحيت و حالتها النفسية مش متزنه و مسكت الصورة اللى راسمها مروان تحرقها ، لو ركزنا ف الصورة هنلاقى بنت بتتمرجح على مرجيحة (بس ياسمين شافتها بنت منتحرة)
لانها بتشوف اوهام بسبب اضطراب مابعد الصدمة
يجى مشهد تانى يأكد ان ياسمين عندها PTSD او BP
لما راحت الصيدلية و اخدت دواء ال valproate من على الرف و كانت سوسن بدر (د.نوال) بتراقبها
و يكتمل الرعب لما راحت تشرب coffee من الكافية اللى بتروحه بقالها ٨ سنين فتلاقى بنت جوة بتطلب اوردر تجرى عليها و هى فاكراها سارة المنتحرة
بعدين تكتشف انها بنت شبهها .....
مسلسل ٦٠ دقيقة
No comments:
Post a Comment
اكتب تعليق حول الموضوع