الخصية المعلقة

الخصية المعلقة
هي عدم وجود احدي الخصيتين او كلاهما في كيس الصفن ( كيس الخصية ).

5 من كل 100 طفل بيتولدوا عندهم المشكلة دي .

طيب نكتشف الموضوع ده ازاي ؟؟!
لازم الطفل يخضع للكشف الطبي عند طبيب متخصص .

طيب و ايه المشكلة معلقة و لا مش معلقة ؟؟!!!
لأ طبعا دي مشكلة كبيرة و ليها اثار سلبية كتير علي الطفل منها :
مشاكل الخصوبة : دة لأن انتاج الحيوانات المنوية بيقل جدا غير نسبة التشوهات اللي بتزيد جدا .
التواء الخصية : بسبب التفاف الحبل المنوي اللي بينقل الدم الي كيس الصفن .
السرطان : الرجالة اللي عندهم خصية معلقة بيكونوا معرضين اكتر من غيرهم للاصابة بسرطان الخصية  .
الفتق : هي حالة يبرز فيها جزء من الامعاء من خلال عضلات البطن السفلية .
الاصابة : وجود الخصية في مكان غير مكانها الطبيعي بيعرضها للاصابة .

طيب و بعدين دا الموضوع شكله خطير ايه الحل ؟؟؟!!
الحل هو عملية جراحية بسيطة بيتم فيها تثبيت الخصية جراحيا من خلال فتحة صغيرة اسفل البطن حوالي 1.5 سنتيمتر و تثبيتها داخليا في كيس الخصية .

افضل وقت نعمل فيه العملية هو من عمر 6 شهور  و كل ما عملناها بدري كل اما كان افضل
#ياريت كل ماما تعمل فحص لطفلها وتطمن عليه بدري بدري  .