ناس كتير بتشرب مشروبات غازية يوميا خصوصا في الصيف مع الحر...

 

طيب ايه رايكوا ان شرب المشروبات الغازيه مرتين في الاسبوع بس بيرفع نسبه الاصابه بسرطان البنكرياس وهو من أشرس انواع السرطانات و كمان بيزود فرصه الاصابه بسرطان البروستاتا

ده غير ان سعراتها مرتفعه جدا بما يعادل ١٠ معلقه سكر وعلي الفاضي بيطلق  عليها سعرات فارغه يعني جسمك مش بيستفيد منها اي قيمه غذائية و بتؤدي للاصابه بالسمنه و ضغط الدم والسكر من النوع التاني

و كمان السكر المستخدم فيها هو سكر الفركتوز و ده اسواء انواع السكر الي بيؤدي للاصابه بالكبد الدهني

و ماتقوليش انا بشربها دايت لا بردو امنعها لان بديل السكر الي فيها هو الاسبرتام و ليه أضرار كتيره جدا

ده غير كمان ان المشروبات الغازيه او اي soda drinks بتحتوي علي نسبه عاليه من الفسفور الي بيقلل الكالسيوم في الجسم و يؤدي للاصابه بهشاشه العظام

امنعوا المشروبات الغازيه تماما  لا دايت ولا غير دايت واستبدولها بعصاير طبيعيه بكميه معتدله و يفضل بدون سكر

ظاهرة رينود Raynaud Phenomenon

 

هي شحوب و تحول لون الجلد إلى الأزرق تكون  شائعة في أصابع اليدين و القدمين و في حالات نادرة قد تصيب الأنف وشحمة الأذن , سميت على اسم الطبيب الفرنسي موريس رينود (1834-1881)  الذي وصف أن إزرقاق الجلد نتيجة لانقباضات تشنجية في أوعية الدم التي تسبب في انخفاض امدادات الدم إلى هذه المناطق , بسبب التعرض للبرودة بصفة رئيسية وهذا يفسر انتشار هذه الظاهرة بشكل كبير في فصل الشتاء إلا أن بعض الحالات تكون نتيجة للضغط النفسي أو العاطفي أو زيادة في نشاط sympathetic الذي يسبب في انقباض الاوعية الدموية الطرفية , وتختلف شدة هذه الظاهرة بين أعراض خفيفة تتمثل في شحوب وبرودة وتلون الأصابع باللون الأزرق وقد يصاحبها شعور بالتنميل  أو الألم عند تعرض الأطراف للبرودة وعند تدفئتها تصبح شديدة الاحمرار وعادة ما تكون مصحوبة بتورم و وخز إلا أنها تستعيد لونها الطبيعي بعد ذلك , ولكن في الحالات الحادة التي تصبح فيها الأوعية الدموية الطرفية منقبضة بشدة وتتحول إلى  اللون الأبيض فقد تسبب في تحلل الانسجة الحيوية بسبب نقص الاوكسجين الحاد وحدوث الغرغرينا في حالات نادرة . 

قسمت ظاهرة رينود إلي نوعين :

• أولى (primary )

• ثانوي Secondary) )

• ظاهرة رينود الأولية

Primary Raynaud phenomenon))

و تسمي أيضا مرض رينود Raynaud disease ) )  إذا كان السبب مجهول و ليست مصاحبة لإمراض أخرى و هذا النوع شائع في النساء أكثر من الرجال وخاصة الشابات في فترة المراهقة , و يعتقد  أن السبب قد يكون وراثي أو أنها حساسية من البرودة إلا أن السبب الدقيق لهذه الظاهرة لايزال مجهول .

• ظاهرة رينود الثانوية

• Secondary Raynaud phenomenon) ) فهي تكون نتيجة لأمراض أخرى وهناك مجموعة واسعة من الامراض التي تسبب أو تعتبر هذه الظاهرة أحد أعراضها ونذكر منها اضطرابات النسيج الضّام  :

   تصلب الجلد Scleroderma))

    الذئبة الحمامية الجهازية Systemic lupus erythema)  )

والتهاب الأوعية الدموية كمرض بورغر buerger disease) ) أو ما يسمى بالالتهاب الوعائي الخثاري  الساد وهو التهاب يصيب الاوعية الدموية وتصبح مسدودة بالجلطات الدموية وتعتبر ظاهرة رينود أحد أهم أعراضه

ولا ننسي  ذِكر مرض تصلب الشرايين atherosclerosis)) الذى يسبب في تضيق الأوعية الدموية أو حتى انسدادها في حالات  متقدمة

في الحالات الخفيفة أو المعتدلة يكمن العلاج في تجنب المسببات   كضغط النفسي الحاد   أو تعرض  الأصابع للبرودة بصفة رئيسية فيجب تدفئتها ولبس القفازات وتدفئة الجسم جيدا أثناء فصل الشتاء ونقع الأصابع في الماء الدافئ لتحسين الدورة الدموية وتجنب التدخين لأنه يحتوي علي مواد تسبب في انقباض الاوعية السطحية cutaneous vasoconstriction)    )مما قد يجعل الامر أسوء ,  أما في الحالات الشديدة  فيمكن للطبيب وصف بعض الادوية مثل : calcium blocker)  nifedipine) الذي من شأنه أن يخفف من شدة انقباض الاوعية ويساعد في توسعها عن طريق منع دخول  الكالسيوم للعضلات الملساء المبطنة  للأوعية الذي يسبب في انقباضها أو أدوية تقلل من نشاط sympathetic في الحالات الشديدة جدا قد يضطر الطبيب للتدخل الجراحي لقطع  عصب sympathetic  المغذى للأوعية الدموية للأطراف المتضررة .

وأخيرا رغم أن ظاهرة رينود لا تعتبر من الحالات الخطيرة إلا أنها أحيانا تدل علي  اضطرابات في الاوعية الدموية او قصر في الدورة الدموية , واهمالها قد يتسبب في زيادة شدتها , ورغم فعالية الادوية في هذه الحالة إلا أنه لا يفضل استخدامها إلا في الحالات الحادة بسبب الاعراض الجانبية , ويبقي جوهر علاج هذه الظاهرة بالمحافظة والاهتمام وعدم تعريض الأصابع  لدرجات الحرارة المنخفضة وتدفئتها  و الاهتمام بنظام غذائي متوازن وممارسة الرياضة  يساعد ذلك كثيرا في تحسين الدورة الدموية وتخفيف الاعراض

اعراض هبوط وظائف القلب

 

ذكريات الاطباء: 52

  كمية العيانين اللي بييجوا كل يوم القصر العيني يكشفوا عادي وفجأة يتصدموا ان عندهم "فشل كلوي" ... 

 كل يوم ف حدود 10 او 15 حالة بيتفاجئوا انهم مرضي فشل كلوي و محتاجين غسيل كلي!!

شباب و بنات و ستات صغيرة ف السن مابيعانوش من أي حاجة و زي الفل و فجأة يتعبوا..ييجي يكشفوا يتفاجئوا ان عندهم فشل كلوي

و السبب اللعين ورا الحالة دي...."المسكنات"

في نوع من المسكنات اسمه "NSAIDs" كتره و استخدامه عمال علي بطال بيسبب فشل كلوي

و للأسف النوع دا هو اللي منتشر اصلا بين الناس و بيتسف زي البونبوني..

النوع دا موجود في

"البروفين - كاتافلام - كيتولاك - ڤولتارين-..."

لما واحدة يجيلها حبة صداع تقعد تسف بروفين..

لما واحد سنانه توجعه شوية يروح يسف كاتافلام..

لما واحدة يجيلها دور برد و تنزل الصيدلية يديها حقنة الڤولتارين السحرية...و كل ماتتعب شوية تنزل تاخد نفس الحقنة

كلها حالات مشهورة و بتتكرر ...و ادوية الجيران بيوصفوها لبعض

من غير رجوع لدكتور او حد يشوف الحالة محتاجة و ينفعها الدوا دا اصلا ولا لأ

و للأسف بيرتاحوا فعلا بس اخرتها "كارثة"

عشان خاطر صحتكم وحياتكم...بلاش مسكنات

بلاش تفرحوا ببرشام بيضيع الوجع وهو اصلا بيدمر جسمك

بلاش مسكنات ع الفاضي و المليان...

بلاش مسكنات من غير ماترجع لدكتور...

و لو مصمم تاخد مسكنات..حاول تعمل سيرش عن اسم الدوا و لو لاقيته NSAIDs بلاش منه...

ذكريات الاطباء: 123

  أنا اترفدت من مستشفي دار الفؤاد  بسبب الموضوع ده 

إنتوا عارفين دار الفؤاد دايماً بتشتغل V.I.P وأنا كنت لسه واخد ماجستير فريش والنباطشيات في العناية المركزه اللي بيمسكها في دار الفؤاد علي الأقل دكتور يكون معاه ماجستير وخبره كام سنه 

المهم يعني كنت نباطشي و فيه حالة جت جابها أستاذ باطنة من أساتذتنا التُقال في القصر العيني ( اللي هما فضلهم على دماغنا يعني )  وكانت حالة تسمم كيتوني لمريضه سكر DKA  

والحالة دي كانت متوصي عليها من ناس تقيله جدا very v.i.p

المهم المريضه دي كانت كبيرة في السن وأستاذ الباطنة جايبها وجاي وقالي : إعملها كذا وكذا وكذا وكذا 

- فبقوله : يا بيه  مش عايز تعملها CT skull " أشعه مقطعيه علي المخ " ؟ 

= بصي لي وقالي : إيه الهبل اللي إنت بتقوله ده !؟؟ CT skull  إنت عبيط ؟؟!! 

- قولتله : أصل يا بيه ..

= قالي : ولا أصل ولا فصل  هي عشان جاية دار الفؤاد و عشان تعرف تدفع فأي كلام وخلاص ؟! إيه الزفت ده ؟!؟؟ متعملش CT وسابني ومشي 

أول ما نزل بَعتها تعمل CT  عادي جداً  ولا كأني سمعت حاجه

حظي الأغبر إن دكتور حاتم الجبلي صاحب المستشفى كان موجود ساعتها وبعدين إتفقوا إنهم  يطلعوا يبصوا على المريضه قبل ما الدكتور يمشي لما طلعوا سألوا فين المريضه ؟؟ 

= قالولهم مش موجودة 

- أمال فين ؟؟

= قالوا : بتعمل CT  

- مين قالها تعمل CT ؟؟

قالوا : دكتور محمد الشافعي 

= هاتوا الشافعي 

- فأستاذ الباطنة بيقولي : مش أنا قولتلك يا ابني متعملش CT  ؟!

= فسكت 

- فدكتور حاتم الجبلي قال : مش البيه قالك متعملش CT ؟!

= قولتله : أه 

- قالي : وإنت بعتها تعمل CT skull  ؟!

- قولتله : أه 

= قالي : متشكرين على الفترة اللي إنت قضيتها عندنا يا محمد ..بالنص كده 

- قولتله : طيب يا بيه سلام عليكم ، و إتصلت بمدير الرعاية كان ساعتها دكتور أحمد غالي قولتله : يا بيه  أنا هروح إبعت حد يستلم مني النباطشية و حكتله اللي حصل 

- قالي : إهدى أنا جاي 

= قولتله : لا إتصل بحد يجي يستلم النباطشية وإلا همشي من غير ما أسلم وطبعا مينفعش تمشي وتسيب العنايه بالمرضي اللي فيها ومفيش دكتور موجود 

المهم بعتلي دكتور وسلمته الحالات ونزلت وركبت عربيتي وطالع من باب المستشفى راحوا قافلين عليا البوابه 

- فيه إيه يا رجالة ؟؟ 

= قالوا : الدكتور حاتم قال متخرجش 

- قولت : يا نهار أسووووود هيلبسني تهمة وحاتم الجبلي قادر على إنه يعملها 

= وقولتلهم : ليه كده ؟؟ 

- قالوا : هو قال كده لما تيجي خارج ممنوع تخرج وتروح مكتبه 

= قولتلهم : بلغوا الدكتور حاتم  إن الدكتور محمد الشافعي خلاص ماشي و إنتهينا بتاع الأمن يعرفني كويس لقيته قالي :

- يا دكتور محمد هو قالي هو هيقولك كده وقالي لو قالك كده جيبهولي حتى لو هتشيله  

= قولتله : هتعملها ؟؟

- قالي : هعملها يا كده يا أترفد ومعلش يا دكتور محمد دا أكل عيشي وأنا مش هترفد فاركن عربيتك وخليك ببريستيجك وإنزل روح على رجليك بدل ما تروح متشال 

كان بيكلمني كده بالظبط  روحت راكن ورايح للدكتور حاتم  دخلت لقيت أستاذ الباطنة قاعد ولقيت دكتور حاتم الجبلي بيقولي : 

- إنت طلبت CT  ليه ؟؟ 

= قولتله : خلاص يا بيه الموضوع خلص وفيه حد إستلم العناية  وأنا ماشي  انتهينا 

- قالي: إحترم نفسك ولما أسألك ترد زي ما بسألك 

بصتله بزهق كده و مردتش 

= قالي: أنا أستاذك في القصر العيني إنسى إني مدير مستشفى دار الفؤاد أنا أستاذك وبسألك فإحترم نفسك وتقف عِدل ولما أساتذك يسألك ترد عِدِل 

- قولتله : يا بيه بتكلمني بصفة أستاذ ؟؟ 

= قالي : أه 

-قولتله : طلبت CT  عشان كنت بدور على "mucormycosis "

دي عدوي فطرية بتطلع في الجيوب الأنفيه "nasal sinuses "

الفطر ده مشهور جدا جدا في مرضي السكر عشان نقص المناعه

إسمه المشهور بيه " الفطر الإسود " أكيد حضراتكم سمعتم عنه الفتره اللي فاتت كتير اللي إشتهر إن في سلاله من كورونا في الهند بتسبب الإصابه بالفطر الإسود 

مشكلته الحقيقة إنه مع حالات تسمم السكر الكيتوني DKA  بيحصله إنتشار وبيطلع من الجيوب الأنفيه و بيوصل للعين و الفص الأمامي من المخ وللأسف الحل إنك تعمله إزاله للعين بالكامل مع الفص الامامي من المخ 

" enucleation and frontal lobectomy with a mortality of 60 % after surgery , Before surgery it is100 %" 

- فقولتله : أنا بدور على mucormycosis " الفطر الإسود " 

= قالي : بتدور عليها ليه ؟؟ 

- قولتله : حضرتك العيانة كان عندها إحمرار وتورم في عين واحده   "unilateral eye echomosis and edema "مع إحتقان في الملتحمه "بياض العين " لنفس العين conjunctival injection

الأشعه المقطعيه CT كانت جات علي مكتبه فهو بص عليها 

= فقالي : فيه fungus ball  " فطر " موجود في ال maxilla  وتشخيصك طلع صح 

- قولتله : بجد ؟؟! 

= قالي : إتفضل روح العناية 

- قولتله : أسف حضرتك دلوقتي مدير المستشفى مش أستاذي في القصر العيني أنا أسف يا بيه الموضوع خلص 

= قالي : كده ؟؟ 

- قولتله : أه 

= قال لأستاذ الباطنة اللي قاعد قصاده : بعد إذنك عايز أقعد مع محمد لوحدينا شوية ( يعني بيأخد حقي منه قدامي بشياكه يعني بيقوله أطلع بره وأنا قاعد ) وبالفعل الراجل خرج وقفل الباب 

- قالي : خلاص أنا خدتلك حقك 

= قولتله : خدته منه بس مش منك أنا مخدتش حقي منك حضرتك مسمعتنيش ومسمعتش أنا عايز إيه وعملت كده ليه ؟؟ فأنا مخدتش حقي منك 

- فبصلي وقالي : عايز تأخد حقك مني ؟؟ 

= قولتله : أه يا بيه 

- قالي : عايز إيه ؟؟ 

= فسَكِت ..

- قالي : نضرب في أربعة   

= قولتله : لا في ستة 

قالي : خلااااص حصل   

أبجني تجدني    

هي الفكرة في حاجة متمداش بقى يعني متزودهاش خلاص أستاذك و حس إنه عمل حاجة غلط ، وأنا عندي 32 وتلاتين سنة بعد ما أخدت ال MDحاتم الجبلي مسكني عنايه الباطنه بالكامل في دار الفؤاد " بقيت رئيس القسم  وأنا عندي 32سنة "

هي الفكرة إرادتك مهمة جداً ولازم تدافع عنها لكن فيه حاجة اسمها أستاذك في الكلية كبير عنك عَلِمَك ,غلط ورضاك هيعملي إيه أكتر من كده يعني ؟؟ هيبوس إيدك يعني ؟؟! 

عايز أقولكم على حاجة إن معلومة صغيرة مذاكرها صح ممكن تنطرك معلومة صغيرة ممكن ناس كتيرة متعرفهاش فتنطرك نطرة جامدة في حياتك و كاريرك 

ال Mucormycosis " الفطر الإسود"  فيه ناس كتيرة أوووي ميعرفهاش وعلى فكرة مشهوره  ودلوقتي بقت مشهوره أكتر 

ومفتاحها مريض سكر جاي ب DKA وعنده عين واحده حمره و مورمه يبقي لازم تعمل اشعه مقطعيه علي المخ

وطبعاً أنا معرفتهاش من نفسي ولا قريت في كتاب لا ده من أستاذي الدكتور شريف مختار هو اللي كان بيمسك القلم  ويحطه على ودانا كده ويقول عيان ال DKA  عملتله ECG "رسم قلب "؟؟ 

تقوله : أه يا بيه 

-يقولك بصيت على عينيه ؟؟ 

تقوله : أه يا بيه 

لو مقولتش : أه يروح دايس بالقلم  وشادك لغاية العيان اللي بعده 

بصيت على عينيها عشان ال Mucormycosis  فإحنا حافظين كده 

عملت ECG  عشان ال MI "جلطه القلب " في العيان ده بتكون silent يعني مبحسش بأعراض وفجأه قلبه يتوقف 

إحنا حافظينها كده شريف مختار محفظنا كده  القلم لغاية  دلوقتي وداني بتوجعني منه

هو اللي علمنا الحاجات دي فلازم تدور على معلم تقيل لازم تبقى صبي لمعلم تقيل 

ذكريات الاطباء: 78

 

إستدعيت فى المستشفى لألقي نظرة على طفل صغير لم يتجاوز الرابعة عشرة من عمره ، دخل فى يومه الثاني من ارتفاع مستمر لدرجة الحرارة مع ألم بالبطن

كانت الشكوى الرئيسية للطفل التى أتت به إلى المستشفى ألما عابرا بالأذن ، لم يشك منه من قبل ، لكن ألم البطن بدأ حديثا

بدأت فحص الطفل الذي لم يحسن أن يعطي أية معلومات قد تكشف عن علة أو سبب ، كان بمرافقته أخوه الأكبر ذو السبعة عشر عاما الذي كان هو المرافق الوحيد له 

أنت تتعامل مع طفلين حرفيا ، لا يحسن أيهما قولا ولا يكاد يبين .. غير أنهما بديا كصديقين مقربين يحمل أحدهما هم الآخر ، وقد صدق حدسي فيما بعد

كانت الآلام فى بطن الطفل مبرحة تشي بعلة خطيرة ، فى الغالب يصاب الأطفال بانفجار الزائدة الدودية بشكل أسرع من الكبار ، البطن تبدو كصخرة صماء من شدة الألم ، هذا يستوجب استكشافا جراحيا للبطن

لا تدري كيف تخبر طفلين لا مرافق لهما بخبر كهذا ، بات عليهما أن يعلما أن ألم الأذن البسيط تطور إلى استكشاف جراحي مع نسبة من الخطورة ليست هينة ، واحدة من شروط الحصول على إقرار طبي جراحي أن يكون المريض ومرافقوه على قدر من الوعي يمكنهم من موازنة الأضرار والمنافع المتوقعة من الجراحة ومن ثم الموافقة ، لكن بدا لى الطفلان غير قادرين على اتخاذ هذا القرار الذي لا بد أن يتم تنفيذه في الصباح الباكر

كانت الساعة الثانية عشرة بعد منتصف الليل ، وتم أخذ القرار الجراحي بالاستكشاف فى الصباح الباكر بعد أن اكتملت الفحوصات والتحاليل اللازمة

غير أن شيئا ما دفعني نحو محاولة عمل أشعة مقطعية على البطن ، ليس هناك مسوغ لهذا ، البطن فى أشد درجات الألم والتحجر ، كرات الدم البيضاء مرتفعة بدرجة كبيرة ،  التشخيص التهاب بريتوني يستوجب استكشافا جراحيا ، ما فائدة الأشعة المقطعية إذن ؟

لا أعرف ، ظل هذا الدافع يدفعني حتى منعني عن النوم بعد منتصف الليل ، نزلت من غرفتي بسكن المستشفى ، وأيقظت الفنيين المنوط بهم عمل الأشعة واستدعيت الطفل يقودني حدس لا أعرف سببه 

أعرف جيدا أن الطفل في حالة ألم ، وأن الألم شديد ، وأنه قد خلد إلى النوم ، لكني أعرف كذلك أن موعد الجراحة فى الثامنة من صباح الغد ، وأن الساعة الآن تشير إلى الواحدة بعد منتصف الليل .. هذا هو الموعد الأخير لإجراء الفحص المقطعي قبل الجراحة

نزل الولد برفقة أخيه وقد عاوده الألم بعد أن حاول استراق النوم قبل جراحة الغد ، استلقى على جهاز المقطعية وبدأ الفحص ، بعد عشرة دقائق ربما حصلت على نسخة مطبوعة من الأشعة المقطعية لأنظر فيها وأفاجأ بمشهد لم أر مثله من قبل !!

لقد كانت البطن بأكملها عبارة عن ورم سرطاني كبير التهم كل أجزاء البطن خلف الغشاء البريتوني ، كان الورم يحيط بالشريان الاورطي والوريد الأجوف السفلي وشرايين وأوردة الكلى ، كأن ثعبانا ضخما ابتلع كل مكونات بطنه !!

بات الولدان ليلتهما دون أن يعلما شيئا ، وفي الصباح عرضت أفلام الأشعة على هيئة الجراحة ليتم إلغاء عملية الاستكشاف وأخذ واحد من أسوأ قرارات الجراحة التي نتخذها فى مثل هذه الحالات ، كان القرار

let the patient die in peace , not in pieces !!

دع الطفل يموت بسلام ، لا ترسله إلى الموت مقطعا !!

أكثر قرار أكرهه فى الطب ، حين ترى الورم قد انتشر ونفدت حيلك كطبيب وبات الاستسلام للقدر هو الخيار الوحيد

تم تحويل الطفل إلى مستشفى سرطان الأطفال بعد أن تم أخذ عينة بإبرة جراحية موجهة بالاشعة وتحليلها لتكشف عن نوع شديد الفتك من سرطانات الغدد اللمفاوية

أخذ الأخ أخاه وانصرفا .. انقطعت أخبارهما خمسة أيام ثم عاد الأخ الأكبر يطلب نسخة من الأشعة المقطعية 

تعجبت من أنه قطع كل هذه المسافة من محافظة إلى أخرى للحصول على نسخة من الأشعة المقطعية ، كان بإمكانهم إجراء واحدة أخرى هناك ، لكنه أخبرني أن أخاه بات ينازع  الموت ، وأنه يخضع الآن للتنفس الصناعي وأن تحريكه من أجل اجراء اشعة مقطعية أخرى هو استعجال للموت الذي بات محتوما !!

تتأمل كم الألم والأسى والدروس فى هذه المأساة فتصيبك الدهشة ، قبس من رحمة الله بالطفل ليخفف عنه بعض ألمه بحدس عاودني بعد منتصف الليل لأتبعه دون سبب مقنع فيغير كل شئ رأسا على عقب ، أخ أكبر يحمل رفيقه ويدور به فى مأساة تشيب لها الرؤوس ثم يفقده شيئا فشيئا فلا أراه إلا دامع العين غير أنه كالجبل لا ينهار ولا يستسلم 

علمت بعد أيام أن الطفل أسلم روحه إلى بارئها ، يقطع رثائك وأساك لأجله مريض آخر يحمل أضعاف مأساته يشغل نفس سريره ، فيكون خيارك الوحيد كطبيب فى مهنة تضعك وجها إلى وجه مع أشد حالات البؤس أن تتسلى عن مأساة بمأساة أخرى تنسيك أختها !!

البابونج كنز طبي مدهش شامل

 

1. يعتبر البابونج مزيلاً للتوتر عند النساء ، مهدئ للعضلات الموجودة في الجهاز الهضمي ( المعدة والامعاء ) ، وهو علاج شعبي للمعدة العصبية ، وهو مزيل للضغط النفسي .

2. البابونج علاج لآلام العادة الشهرية .

3. يستعمل الاوروبيون البابونج كعلاج للأرق وقلة النوم .

4. البابونج يعالج آلام الاعصاب .

5. البابونج يعالج امراض الظهر ، والروماتيزم .

6. يحتوي البابونج على مضادات التهاب طبيعية ، وهو مسكن ومزيل للتوتر .

7. البابونج مفعول طبيعي مزيل لتشنج المعوي ، يهدئ المعدة المتهيجة .

8. يحتوي البابونج على مواد طبيعية ذات تأثير قاتل للفطر والباكتيريا .

9. البابونج يهدئ وينعم الجلد ويدخل في تركيبة الكريمات والمنظفات ، والبابونج يفيد المرضى المصابين ببشرة حساسة وهشة ، يمزج مع الشامبو ويساعد في تفتيح لون الشعر ، لذا فهو يمزج مع الحنة لإكساب الشعر اللون الاشقر .

10. البابونج يعالج التهابات الجلد والحروق وحروق وضربات الشمس والحساسية .

11. يستعمل للغرغرة لتعقيم الفم ومكافحة القروح ، ويسكن وجع الاسنان .

12. البابونج يكافح التهييج بالعين .

13. البابونج يعالج البابونج امراض البواسير .

14. البابونج ملين لطيف يزيل قبوضة المعدة .

15. البابونج مزيل للصداع ، خصوصاً الشقيقة .

16. البابونج مزيل لالتهابات اللوزتين ، معالج للرشح .

17. البابونج مقوي للطاقة الجنسية .

18. البابونج ينشط الكبد ، يعالج الريقان .

19. البابونج مدر للبول ، يفتت الحصى والرمل .

20. البابونج مزيل للنقرس .

21. البابونج يزيل البلغم ، يعالج السعال

الجسم البشري

 

1: عدد العظام: 206

2: عدد العضلات: 639

3: عدد الكلى: 2

4: عدد أسنان الحليب: 20

5: عدد الأضلاع: 24 (12 زوج)

6: عدد غرف القلب: 4

7: الشريان الأكبر: الشريان الأورطي

8: ضغط الدم الطبيعي: 120/80 مم زئبق

9: درجة الحموضة من الدم: 7.4

10: عدد فقرات العمود الفقري: 33

11: عدد الفقرات في الرقبة: 7

12: عدد العظام في الأذن الوسطى: 6

13: عدد العظام على الوجه: 14

14: عدد العظام في الجمجمة: 22

15: عدد العظام في الصدر: 25

16: عدد العظام في السلاح: 6

17: عدد العضلات في الذراع البشرية: 72

18: عدد الاقسام في القلب: 2

19: أكبر عضو: الجلد

20: غدة أكبر: كبد

21: خلية أكبر: البويضة الأنثوية

22: أصغر خلية: الحيوانات المنوية

23: أصغر العظام: الفرجار من الأذن الوسطى

24: أول عضو مزروع: الكلى

25: متوسط ​​طول الأمعاء الرقيقة: 7 م

26: متوسط ​​طول الأمعاء الغليظة: 1.5 م

27: متوسط ​​وزن المولود الجديد: 3 كجم

28: معدل النبض في دقيقة واحدة: 72 مرة

29: درجة حرارة الجسم الطبيعية: 37 درجة مئوية (98.4 درجة مئوية)

30: متوسط ​​حجم الدم: 4 إلى 5 لترات

31: عمر خلايا الدم الحمراء: 120 يوم

32: عمر خلايا الدم البيضاء: من 10 إلى 15 يومًا

33: فترة الحمل: 280 يومًا (40 أسبوعًا)

34: عدد العظام على القدم البشرية: 33

35: عدد العظام في كل معصم: 8

36: عدد العظام في اليد: 27

37: أكبر غدة صماء: الغدة الدرقية

38: الجهاز اللمفاوي أكبر: الطحال

40: أكبر وأقوى عظم: عظم الفخذ

41: عضلة أصغر: ستيبديوس (الأذن الوسطى)

41: كروموسوم رقم: 46 (23 زوج)

42: عدد عظام الأطفال حديثي الولادة: 306

43: لزوجة الدم: 4.5 إلى 5.5

44: فصيلة الدم المانحة الدولية: O

45: مستقبل فصيلة الدم العالمية: AB

46: أكبر خلايا الدم البيضاء: مونوسيت

47: أصغر خلايا الدم البيضاء: الخلايا اللمفاوية

48: الزيادة في عدد خلايا الدم الحمراء تسمى: كثرة الحمر

49: بنك الدم في الجسم هو: الطحال

50: نهر الحياة يسمى: الدم

51: مستوى الكوليسترول في الدم الطبيعي: 100 ملغم / لتر

52: جزء السائل من الدم هو: البلازما..

فوائد الاعشاب الطبيعية

 

تحاليل مهمة حتى تطمئن على قوة مناعتك

 

اعراض نقص الزنك في الجسم

 

طبيب في بيتك

 

▪حموضة المعدة : خيار 

▪الإمساك : لبن رايب

▪ارتفاع الضغط : ٢ موز - ينزل الضغط مباشرة 

▪الإسهال : قهوة و تعصر عليها ليمون 

▪الزكام : شاي  مع ليمون 

▪الشد العضلي : أفوكادو لأن به أعلى نسبة من المغنيسيوم 

▪الكولسترول : قطعة صغيرة قبل النوم من الباذنجان المقشر  يعطي نفس مفعول دواء ليبيتور 

▪القلق و التوتر : اشرب بابونج 

▪الأرق : اشرب يانسون له اثر الحبوب المنومة 

▪الصداع : ١٥ حبة لوز تعادل ١ حبة اسبرين 

▪التهابات بالمثانة والألم بالحوالب عليك بشرب ماء مغلي بالبقدونس 4 لتر يوميا لمدة أربع ايام

معلومات هامة في نظام الاكل .. 

 اكل رز ولا مكرونه؟

- الارز افضل..المكرونه يعني دقيق.

 اشرب قهوه ولا نسكافيه؟

- القهوه افضل وافيد

 استعمل سكر ابيض ولا سكر دايت؟

- ولا ده ولا ده استعمل عسل نحل

 كورن فليكس ولا شوفان؟

- مفيش مقارنه اصلا ...شوفان طبعا

   اكل فاكهه ولا اعملها عصير؟

- كل فاكهه افضل و سعرات اقل والياف اكثر.

   لبن خالي الدسم ولا كامل الدسم؟

- كامل الدسم ونشيل الوش عشان نستفيد بالفيتامينات اللي فيه.

   زيت ذره ولا زيت زيتون؟

- زيت الزيتون اكيييييد (على البارد)

    افضل نوع فيتامينات اشتريه من الصيدليه؟

- كل سلطه وخضار طازج بكل الالوان كل يوم مش هتحتاج اي شي .

    اشتري (كبسولات اوميجا 3)؟

- كل اسماك (مشويه)مرتين الى ٣ في الاسبوع مش هتحتاجها ان شاء الله

   كانز دايت ولا عصير من غير سكر؟؟؟

- ولا ده ولا ده اشرب ماء كتيييير

   مكسرات نيه ولا محمصه؟

- نيه بس اتاكد انها مش متخزنه

   اشتري صن بايت ولا فورنو؟

- اعمل فشار في البيت.

    ممكن اكل قطعه شيكولاته؟؟؟

- الغامقه ممتازه وتكون فوق70%

علاج للتخلص من الربو وضيق التنفس

 . 

  تشفي تماما من الازمات التنفسية او في بعض البلدان يقولون الربو أو ضيق في التنفس  ارجو ان تفرجوا بها على من تستطيعون من المسلمين فيفرج  الله بها عنا يوم القيامة الوصفة: اخذ عدد عشره سيقان العودي  من القرنفل (المسمار) ثم  نزع الراس الدائري اعلى كل حبة والاحتفاظ بالجزء السفلي (مهم جدا) ينقع الجزء السفلي من القرنفل في ماء نقي  بكاس نظيف  نصف الكاس ماء   ليلا يشرب منقوع القرنفل فقط على الريق عند الاستيقاظ من النوم تكرر هذه العملية لمدة أسبوعين  فقط  .... (ملاحظه ) لا اقول انه يقلل بل اقول انه بإذن الله ينتهي تماما من مرض الربو وضيق التنفس...  مع تمنياتي للجميع بالشفاء والصحة.

طفيليات القولون أم القولون العصبي !

 

إذا كنتم تعانون من أعراض مثل تقلب المزاج، غازات البطن،المغص الذي يصيب منطقة البطن، الإمساك، الرغبة بأكل الحلوى، اضطرابات في التركيز، تغييرات واضطرابات في الوزن، البراز الدهني اللزج ذو الرائحة الكريهة أو إذا قال لكم الطبيب إنكم تعانون من متلازمة القولون العصبي المتهيج، فمن الوارد أنكم تعانون من الطفيليات المعوية.

 اذن ماهي متلازمة القولون العصبي؟

متلازمة القولون العصبي منتشرة بشكل كبير في الآونة الأخيرة، وهي تؤثر على قيام الإنسان بالأنشطة اليومية المعتادة بالشكل الطبيعي، ويتعرض المصاب بالقولون العصبي إلى أعراض مختلفة تسبب له الشعور بالتعب مثل الأعراض السابقة والتي تسببها طفيليات القولون وكثيرا ما يرجع الأطباء السبب في هذه الأعراض لمتلازمة القولون العصبي

  ماهي أسباب القولون العصبي؟

   إصابة الأعصاب التي توجد في الجهاز الهضمي بالتشوهات.

  الإصابة بالالتهابات في الأمعاء.

  قد يكون القولون العصبي ناتجا عن الإصابة بنوع من العدوى الناتجة عن البكتيريا والفيروسات.

  التعرض للضغط النفسي المستمر.

  تناول بعض أنواع من الأطعمة التي تتسبب في الإصابة بالقولون العصبي، ومن هذه الأطعمة منتجات الألبان والحمضيات، والمشروبات الغازية والبقوليات.

عادة ما تكون النساء أكثر عرضة للإصابة بالقولون العصبي، ويكون هذا بسبب التغيرات الهرمونية خاصة أثناء فترة الطمث.

 علاج القولون العصبي:

    علاج القولون العصبي هو تجنب كل الأسباب السابقة

 ولكن

لو لم تكن هذه الأعراض بسبب القولون العصبي والسبب هو طفيليات القولون أو الطفيليات المعوية

  فماهي طفيليات القولون أو الطفيليات المعوية؟

هنالك الكثير من الطفيليات والجراثيم التي من الممكن أن تسبب تلوث الأمعاء البشرية، وأكثرها بروزًا هي: الأميبات (Amoeba)، الفطريات (Candida albicans)، جرثومة المعدة (Helicobacter pylori)، الديدان المعوية، والطفيليات، وغيرها.

يمتاز كل نوع من هذه الأنواع بظهور أعراض خاصة ومميزة، بينما تكون الإصابة بهذه الطفيليات ناتجة عن نفس طرق العدوى تقريبا، وهي: الأغذية الملوثة  ، عدم الحفاظ على النظافة بالقدرالكافي بعد الخروج من المراحيض، تناول الأغذية النيئة كالبيض والأسماك، شرب المياه الملوثة، وغيرها من المسببات.

  كيف يتم تشخيص الاصابة بالطفيليات المعوية أو طفيليات القولون؟

بالعادة، يتم تشخيص مشكلة الطفيليات المعوية من خلال فحص البراز . هنالك أهمية قصوى لإجراء الفحص أكثر من مرة من أجل التأكد مما إذا كان الطفيل موجودًا في الأمعاء أم لا. ففي حين هنالك بعض الأعراض التي تناسب نوعا معينا من الطفيليات وتشير إلى وجوده بوضوح، هنالك أعراض أخرى يمكنها أن تكون مرتبطة بأكثر من نوع واحد من الطفيليات

  ماهو علاج طفيليات القولون أو الطفيليات المعوية؟

‏  يتألف العلاج الطبيعي من عدة مراحل، كما أنه يتضمن مجموعة من الأدوية التي تخلص الجسم من هذه الطفيليات ومجموعة أخري من الانشطة التي تساعد الجسم على أن يصبح أكثر صلابة في مواجهة الطفيليات. في البداية، هنالك حاجة لاتباع نظام غذائي صحيح بهدف منح الجسم قدرة على إعادة تأهيل الجهاز الهضمي، وكذلك للقضاء على الملوثات. كما يجب الاهتمام كثيرا بتناول الأطعمة الغنية بالألياف، بهدف إعادة التوازن إلى الجهاز الهضمي

   الخلاصة: حتى لو كانت نتيجة اختبارات البراز سليمة، وحتى لو شخص الطبيب المشكلة على أنها أعراض القولون العصبي، فإن هذا لا يعني أن المشكلة هي القولون العصبي. هنالك أسباب كثيرة تسبب أعراضا تشبه أعراض القولون العصبي أولهم هي مشكلة طفيليات القولون أو الطفيليات المعوية التي تؤثر على الجسم بشكل سلبي، أو مشاكل أخري أكبر.

اذا كنت تعاني من أعراض القولون العصبي المزمن عليك بالتوجه للطبيب المتخصص للاطمئنان والوصول الي التشخيص والعلاج الصحيح

مرض يصيب الكثيرين بمختلف الأعمار وأكثرهم كبار السن و هو ضيق القناة العصبية.

 

بنسمع شكوى دائمة بصعوبة متزايدة فى الحركة و ثقل و خذل يصيب الأطراف السفليه عادتاً فى حالة ضيق القناة العصبية القطنيه و يحدث مع المشى فتقل مسافات المشى لزياده الخذل و الضعف مع طول فتره الحركه 

يربطه البعض بألام المفاصل و البعض الأخر يربطه بتقدم السن و اعراض الشيخوخه و الحقيقه :

  لا المفاصل ولا السن ليهم علاقه.

لكن السبب الرئيسى بيكون ضيق القناه العصبية و قد يصيب اى مرحلة فى الفقرات ( العنقيه - الصدريه او القطنيه ) و اكثرهم شيوعًا المرحله القطنيه . 

   يظهر على المريض ثقل بالحركه تتزايد مع تزايد مسافات المشى و تقل بالجلوس وقتيًا او الأنحناء الى الأمام اثناء المشى .

الحقيقه حلها الوحيد: 

  التدخل الجراحي لتوسيع القناه العصبيه و تعديل الحركه و النهاردة أصبح ليها تدخلات جراحيه محدودة تقلل فتره التعافى بعد الجراحة و بدون ألم على المريض بعد الجراحه كما ان المريض ممكن يرجع لحركته الطبيعيه بعد ايام بسيطه من الجراحة. 

  

من فوائد شرب الزبيب

 

يطبخ الزبيب بالماء حيث يشرب كملطف للسعال وإخراج البلغم، وينظف الجهاز التنفسي في حالة الالتهاب وتقطير البول .ومن فوائد ه ايضاأنه :يساعد على إزالة السموم من الجسم .مقاومة الميكروبات والفيروسات .وعلاج الروماتيزم .وأمراض الكبد والمرارة .وضغط الدم المرتفع .وعلاج السعال الجاف.والوقاية من أمراض القلب.وفيه نفع ...للحفظ "تقوية الذاكرة" كما يُعد الزبيب مصدرا لعدد من المغذيات الضرورية للصحة مثل البوتاسيوم والالياف والحديد لذلك مفيد لتكوين الدم . كما نؤكد على فائدة تقوية الذاكرة و التي من الممكن لها ان تنفع ابناءنا خاصة في فترة الامتحانات

من اهم مسببات الامساك

 

ذكريات الاطباء 663

  من فترة لأخرى أقابل حالات دخلت نتيجة حوادث أو إصابات بالمخ في وضع يسمى vegetative state

الحالة دي وضع صعب للغاية لأن المصاب فيها بيكون فقط على قيد الحياة ، لكن باقي وظائف جسمه الحيوية يقوم بها الآخرون من حوله ليبقوه حيا لفترة أطول

يقوم اطباء الانف والاذن بعمل انبوبة شق حنجري ليتنفس المريض من خلالها ، نقوم نحن اطباء الجراحة بتركيب انبوبة من خلال البطن الى المعدة ليحقن للمريض من خلالها اطعمة مخلوطة تغذي جسمه و يتبول عن طريق قسطرة ويتم تفريغ البراز من جسمه عن طريق حقن شرجية ، يتم تقليبه في الفراش حتى لا يصاب بتقرحات ! الصعب في الأمر أن المريض قد يستمر على هذه الحالة شهور وسنوات كاملة ، يبقيه محبوه فقط على قيد الحياة بما يقدمونه له

قابلت الكثيرين بهذا الشكل ، لكن أصعبهم كان شابا اصيب بحادث اصطدام بالرأس ودخل في هذه الحالة ، وحين رأيته كان قد جاوز شهره التاسع على هذا الوضع !!

 تسعة شهور كاملة من وفاء الأهل وتحمل النفقات والمشاق حبا في ابنهم ذي الثلاثة العشرين عاما 

ثم ماذا ؟ .. مع الوقت يفقد الجميع الأمل ، ويصبح الأمر عبئا ، وتساور ذوو المريض أفكار حول التوقف وتبدأ الأسئلة عن الموت الرحيم !!

هنا لا بد أن أنحني احتراما لتلك الأم العظيمة التي ولد ابنها مصابا بضمور في المخ ، كل جسمه جثة هامدة ا عدا بضع حركات في الرأس ، لا زالت تحمله وتطوف به على المستشفيات عند مرضه ، تطعمه وتكسوه وتنظفه ، لا يبادلها الحب بشكل حميمي كحضن او ابتسامة ، لكنها اعتادت منه معاني الحب بايماءات وتغيرات في شكل الوجه !

قابلتها ذات يوم تبكي بحرقة وقد اصيب بالتهاب رئوي حاد قد يكون مميتا في مثل هذه الحالات ، كانت تعابير وجهها تشي بذعر خوف الفقد ، لقد امتلأ قلبها الرحيم بحب لا يمكن تصوره تجاه هذا الابن الذي يبدو عبئا في نظر الكثيرين من حولها ، لكن الرحمة التي امتلكها قلب هذا الأم كانت أوسع كثيرا من ظنون المحيطين

لكن أغرب ما رأيت ممن دخلوا في هذه الحالة ، تقرير قصير عن طفل دخل في غيبوبة وفقد الأطباء فيه الأمل ، أخبروا أبويه أنه لن يعود وأن مسألة موته محتومة لكن قد تطول !!

أودع الولد غرفته في بيت والديه منذ ان كان في الثانية عشرة من عمره ، كان كل ما يبقيه حيا هو رعايتهما له على النحو الذي ذكرت ، يطعمانه ويقلبانه وينظفانه ويفرغان فضلاته ، ولا أمل في العودة

مرت السنوات تباعا ، وتعبت الأم وفقدت الأمل ثم دخلت غرفته ذات يوم وبعد أن انتهت من رعايته قالت سيكون من الأفضل لو مت يا صغيري

لكن الأب لم يفقد الأمل ، كان يدخل اليه يوميا يحدثه وهو يعلم انه لا يسمعه ، حتى اخذته الرحمة بولده ذات يوم فطبع قبلة حارة على جبينه وقال ، يوما ما سيكون كل شئ على ما يرام ، أنا واثق من هذا ، ثم خرج بتثاقل

مرت السنوات حتى أكمل الولد عامه الثاني عشر في غيبوبته ثم حدثت المعجزة محيرة كل العقول ، لقد استعاد كامل وعيه تماما !!

لقد فتح عينيه وتكلم ، لقد حكى انه كان يسمع كل شئ ، يدرك كل ما يدور حوله ، يريد ان يصرخ ، لقد كان يصرخ فعلا يقول انا هنا معكم لا تتركوني ، لكن لا احد يسمعه ، كانت كلمات امه كسيف حاد تلقاه ودخل في نوبة حزن ، لكنه بقي على قيد الحياة بفضل كلمة والده بأن كل شيء سيكون على ما يرام، لقد استمد منه الدعم والطاقة والأمل بشكل ما 

سرد لهم كل ما حدث وكل ما قالوا ، لقد كان فخورا بأبيه الذي لم يفقد الأمل طوال هذه السنوات !!

المعجزة لم تتوقف هنا ، لقد أكمل الشاب دراسته الجامعية وتزوج وهو قعيد على كرسي متحرك ليكون معجزة حقيقية في الارادة والتحدي 

يا من تزورون مرضى الرعاية أو تعملون فيها ، أخفضوا أصواتكم وإحسبوا كلماتكم ، ربما يسمعونكم ويصرخون فيكم كلماتكم تقتلنا ، أو تعطينا الأمل

هل ذهبت من قبل لطبيب عيون فأرشدك إلى استخدام أحد قطرات الدموع الصناعية لترطيب العين ؟

 

عن نفسي حين أكتبها لمريض أحاول اختيار أرخصها إلا عند الحاجة للنوع الغالي منها، وذلك لأن المريض من المفترض أن يستخدمها باستمرار مدى الحياة لتعويض نقص طبقة الدموع الطبيعية أمام عينيه.

يتراوح سعر قطرات الدموع الصناعية عمومًا ما بين 15 إلى 150 جنيهًا تقريبًا. يتراوح حجمها كذلك ما بين 5 مللي إلى 15 مللي. من الصعب أن يقوم المريض بترطيب عينيه كل ساعة لذلك يضع منها 3-6 مرات حسب نشاطه واهتمامه، تحتفظ عينه منها بأقل من 10% والباقي يقع على خده أو في قناته الدمعية التصريفية.

جميع هذه القطرات تقريبًا لا تحتوي إلا على مادة أو اثنتين تحاكي الـ Glycoseamionglycans الطبيعية الموجودة في جسم البشري مثل هيالورونات الصوديوم، أو كربوكسى ميثيل سليلوز الصوديوم، بينما الاختلاف الحقيقي في السعر يكون غالبًا تبعًا لنسبة ونوع المواد الحافظة المستخدمة والتي هي مادة مُهيّجة لطبقات العين، بحيث تختفي هذه المادة الحافظة من أغلى هذه الأنواع.

الدموع الصناعية عبارة -حرفيًا- عن مادة تساعد فقط على الانزلاق اللزج لجفونك على كرة العين فتمنع الإحساس الخشونة وتوفر طبقة من المياه أمام القرنية كي لا تتلف.

فماذا عن طبقة الدموع الطبيعية في عينك؟

هي لا تحتوي على مادة واحدة أو اثتنين ولكن على الكثير من الـمعادن Electrolytes في ماء مذاب به الميوسين مع أكثر من مائة بروتين مختلف! مع مواد محفزة لعملية الإصلاح وبناء الخلايا   في حالة الإصابة بجرح أو مرض لطبقات العين الأمامية، هذا غير مواد أخرى مضادة للالتهابات ، ومواد مضادة للميكروبات وقاتلة للبكتيريا  و  ومواد مخاطية مليئة بأنواع مختلفة ومتكاملة من

 الـ  Glycoseamionglycans المغذية للعين وتساعد على التصاق الدموع بالخلايا الطلائية لطبقات العين الخارجية، ثم مواد دهنية تلتصق بالطبقة المائية وتساهم في انتشارها بنعومة على سطح العين، مع مواد شمعية مثل الإسترات تمنع التبخر السريع لها.

وتقوم عينك بإفرازها بمعدل ثابت على مدار الـ 24 ساعة، مع طريقة أخرى أكثر إعجازًا من حركة الجفون التلقائية التي لا تشعر بها لتقوم بنشرها على طبقات العين الخارجية، ويزيد هذا الإفراز في أوقات الحاجة إلى 5 أضعاف كميته بتنظيم هرموني عصبي تلقائي لا يشغل بالك به، كما أن نِسَب كل هذه المكونات وتركيزها يختلف على مدار اليوم تبعًا للساعة الزمنية ولحالة عينك الصحية ولحالتك المزاجية أيضًا كي تتلاءم مع احتياجاتك، بينما تكون -بالطبع- خالية من المواد الحافظة، ثم في النهاية هي مجانية بالكامل.

حاجات لو الطبيب او الصيدلي ماقلهاش للمريض وهو بيكتب الدواء هيعرضه لاعراض جانبيه صعبه :

 

1- لو الدكتور او الصيدلي أعطاكي حاجه مسكنه للالم  والصداع من مجموعة ديكلوفيناك زي كتافلام او مجموعة كيتوبروفين زي باي الكوفان ونسي أنك بترضعي 'وخصوصا لو طفل حديث الولاده 

لان الادويه دي هتسبب لابنك ارتجاع وحرقان ومغص  وانتفاخ وهايفضل يعيط كل ما ترضعيه وهتدوخي عشان تعرفي ايه السبب وانتي السبب

2- لو كتبلك مضاد حيوي من مجموعة سيبروفلوكساسين ونسي يحذرك من الخروج والتعرض للشمس اثناء الظهيره لان اثناء فترة العلاج بالادويه دي بيكون المريض عنده حساسيه لضوء الشمس وممكن تسببه حروق الوجه والجلد وتؤذي العين 

3-لو كتبلك مضاد حيوي اسمه زيثروكان او زيسروسين او مجموعة الماكروليد ونسي يقوله تاخدها بعد الاكل بساعتين  لانه لو اخدها بعد الاكل مباشرة هيفسد مفعولها 

4- لو كتبلك ادويه فيها سلفا  وماقلوش اشرب ميه كتير اثناء فترة العلاج لان مركبات السلفا بتتركز في الكلي وممكن تسبب التهاب كلوي وحصوات

5- لو كتبلك اقراص مضاده للالتهابات بيكتبها كتير اطباء الاسنان والعظام وتخصصات اخري اسمها الفنترن أو أمبيزيم ونسي يقولك تاخدها قبل الاكل بساعه او بعد الاكل بساعتين لان اقل من كده مش هتستفيد منها نهائيا لانها اذا اتاخدت مع الاكل هتحلل البروتينات اللي في الاكل بدل من البروتينات المسببه للورم  فلازم تكون المعده الخاليه 

6-  لو كتب لابنك مضاد حيوي زي هاي بيوتك او اوجمنتين شراب او اي حاجه بنفس تركيبتهم ونسي يقولك احفظه في التلاجه مباشرة بعد الحل لانك لو نسيت بره التلاجه هيبوظ عالطول ولازم ترميه اول  مالونه يتحول من الابيض للاصفر الغامق

7-  لو كتبلك دواء مسكن بروفين  ونسي يسألك هل بتاخد اي نوع اسبرين للسيوله ام لا 

لان البروفين بيلغي تأثير الاسبرين فلو كنت مريض بالقلب او الضغط ومحتاج تاثير الاسبرين ما تاخدش معاه بروفين في نفس الوقت